Totou Puke Tagata 2023 2023 Census information in Vagahau Niue
Kumikumi ke iloa ko e heigoa e totou puke tagata, ko e ha ne taute ai e tautolu, mo e maeke fēfē a koe ke matutaki atu ki ai.
Totou Puke Tagata 2023 2023 Census information in Vagahau Niue
Kumikumi ke iloa ko e heigoa e totou puke tagata, ko e ha ne taute ai e tautolu, mo e maeke fēfē a koe ke matutaki atu ki ai.
Ko e heigoa e totou puke tagata What is the census
Ko e totou puke tagata ko e fakaholoaga kumikumi ke lata mo e motu katoa, taute lagataha he lima e tau. Ko e totouaga he tau tagata oti i Aotearoa Niu Silani mo e tau matakavi ne nonofo ai a lautolu (tau kaina).
Ko e totou puke tagata ka hau to taute he Aho Ua, 7 ia Mati 2023.
Ko e totou puke tagata ke lagomatai aki e tau tagata oti ke maama e tau hikihikiaga ki Aotearoa Niu Silani mai he tau tau loga. Lagomatai aki foki e fakatufono mo e falu a tau matakau kehekehe ke talaga e tau fakatokatokaaga lagomatai ma e tau tagata mo e tau maaga, tuga e tau fale gagao, tau aoga, mo e tau puhala uta fano tagata.
Ko hai ne kua lata ke taute e totou puke tagata Who needs to do the census
Ko e tau tagata oti ne nonofo i Aotearoa Niu Silani he po ka taute ai e totouaga puke tagata kua lata pauaki ke kau atu ke he totou puke tagata nei. Putoia ai:
- tau tagata Niu Silani
- tau tagata ne kua nonofo mau i Niu Silani
- tau tagata mai he falu a kautu i Niu Silani
- tau tagata evaeva mai he falu a kautu i Niu Silani.
Kua lata ia koe ke fakapuke e pepa totou tagata kaeke:
- kua nofo a koe he kaina ne nakai totou ko e fale
ko koe ne nofo he fale gagao - kua nakai iloa e nofoaga mooli haau
- ko koe ha ne fano evaeva po ke gahua fano i Niu Silani.
Tau hūhū ka hūhū atu ki a koe ke lata mo e totou puke tagata What you are asked in the census
Ko e totou puke tagata to hūhū e tau hūhū hagaao ia ki a koe, nofoaga haau, (kaina ne nofo ai a koe) mo e falu a tagata foki ne nonofo mo koe.
Ko e tau talahauaga ka moua mai ia koe to pota fakalataha mo e tau talahauaga mai he tau tagata oti, ke moua aki e tau talahauaga mo e tau kumikumiaga ke he tau mena ne nonofo ai e tau tagata mo e tau maaga i Aotearoa Niu Silani.
To puipui he Stats NZ e higoa haau po ke falu a fakailoaaga mo e tau talahauaga mai ia koe. To lali fakalahi a mautolu ke nakai maeke taha ke iloa ko hai a koe he magaaho ka lolomi ai e tau talahauaga mai ia mutolu.
Nakai fakakite e mautolu e tau talahauaga mo e falu a matakau kehekehe. Putoia foki e tau matakau tuga e Faahi he Ministry for Social Development, Kainga Ora, Faahi Leoleo ti pihia mo e faahi Inland Revenue.
Tau puhala ke moua e tau pepa totou puke tagata haau How you will get your census forms
To fakafano atu he Stats NZ e tau fakailoaaga hagaao ke he totou puke tagata mo e haau a tau mena ke taute.
- Ko e falu a matakavi ha Niu Silani, maeke e tagata gahua he matakau totou puke tagata ke finatu ke he kaina haau ke taatu e tau pepa ke fakapuke mo e tohi ne toka ai e access number (numela ke fakaaoga) e koe ke taute aki e totou puke tagata ki luga he kupega hila.
- Ko e falu a matakavi foki ha Niu Silani, to moua ni ke he tohi ka fakahū atu ke he kaina ne tohi ai e access code (numela ke fakaaoga) ke fakapuke aki e tau pepa totou puke tagata ki luga he tau kupega hila.
Maeke ia koe ke fakapuke haau a tau pepa totou tagata ki luga he kupega hila po ke fapuke ke he tau laupepa ne kua lolomi You can do your census online or on paper
Ko e heigoa ni ne kua fakahu atu ke he kaina haau, fifili e koe, taute haau a tau pepa totou puke tagata ki luga he kupega hila po ke fakapuke ke he tau laupepa ne kua lolomi.
Kaeke ke nakai moua e koe e tau pepa totou puke tagata ke he haau a kaina, ti ka manako ke moua foki falu a pepa totou tagata, maeke ia koe ke hea mai ki a mautolu mo e nakai fai totogi.
Tau pepa ke fakapuke ki luga he kupega hila mo e tau pepa ne kua lolomi ti fakapuke ke he tau puhala tohitohi, moua ua ke he vagahau Peritania mo e vagahau Maori/Peritania. Ko e tau pepa kua tohi ke he vagahau Peritania maeke foki ke moua ke he tau matatohi kua fakamata lalahi.
Tau ota ke lata mo e tau pepa lolomi
Freephone: 0800 CENSUS (0800 236 787)
A fe ke fakapuke e tau pepa totou tagata haau When to complete your census forms
Fakapuke e tau tohi totou tagata haau ke he magaaho ka moua ai e koe. Lali ke fakapuke ke he aho kua fakatoka ki ai po ke fakapuke to hoko e aho Ua, 7 ia Mati 2023.
Ko e magaaho ka fakapuke e koe e tau pepa haau, taute e fekau nai mai he matakavi po ke kaina ne nofo ai a koe he po Ua, aho 7 ia Mati 2023.
Tau puhala ke fakapuke aki e tau pepa totou tagata haau How to complete your census forms
Ua e veveheaga ke he tau pepa totou tagata.
- Taha, hagaao ia ke he kaina nofo mau haau. Fakamataulu e pepa nei ko e Dwelling Form (Pepa ke lata mo e Kaina).
- Taha pepa ke lata ia mo koe. Fakamataulu e pepa nei ko e Individual Form (Pepa ke lata mo e tagata) Tau mamatua mo e tau tagata leveki, fakakia e tau pepa Individual Form ke lata mo e tau fanau ikiiki, pihia mo e tau tama mukemuke ke fakapuke.
- koloa hila mo e maeke ke moua e internet browser, smartphone, computer po ke tablet
- maeke ke moua e internet
- census access code ma e kaina haau ni, haia ke he tohi ne kua fakahū atu ke lata mo e totou puke tagata.
- Hafagi e internet haau, fakaaoga e smartphone, tablet po ke computer.
- Tohi hifo e kupu nei: www.census.govt.nz.
- Peehi e tau kupu nei, “Start your census”.
- Tohi hifo e access code (numela ne fakahu atu ki a koe).
- Peehi e kupu nei, “Start”.
- Taha ni e tagata mai he kaina ke fakapuke e pepa nei the Household Setup Form. Fakapuke fakamua e pepa nei.
- Taha ni e tagata mai he kaina ke fakapuke e Dwelling Form.
- Igatia e tagata he kaina mo e fakapuke e Individual Form.
- peehi e ‘Submit’ kaeke ka oti e fakapuke he taha pepa
- ua fakaoti po ke liu fakafoou e ha lautohi taha he magaaho ka fakapuke ai e pepa
- ua fakamaoki po ke toka e koe e fakapuke pepa ke uafulu po ke molea e tau minute.
- Household Setup Form
- Dwelling Form
- Individual Form ma e tau tagata oti ke haau a loto kaina.
- fakaaoga e pene lanu moana po ke pene uli
- tohi ke he tau MATATOHI LALAHI
- fakaaoga e vagahau Peritania po ke te reo Māori ke tohi aki e tau tali haau
- kikite ke he laupepa ke lata mo e tau hatakiaga ke muitua ki ai kaeke kua manako lagomatai.
- e Dwelling Form haau
- e Individual Form ma e tau tagata oti he loto kaina.
Ke fakapuke aki e tau pepa totou tagata haau ki luga he kupega hila, hanei tau mena kua lata ia koe ke moua:
Access code ma e kaina haau ni (numela ke fakaaoga)
Ko e access code (numela ke fakaaoga) haau haia ki mua he tohi ne kua fakahū atu ke lata mo e totou puke tagata, 12 e numela mo e tau matatohi kua lafi.
Maeke ni ke fakaaoga he tau tagata ne nonofo ke he loto kaina haau.
Kaeke kua galo e access code (numela ke fakaaoga) haau, maeke ia koe ke liu kumi mai ki a mautolu.
Liu ke kumi mai e access code (numela ke fakaaoga) ki luga he kupega hila.
Freephone: 0800 CENSUS (0800 236 787)
Ke moua aki e tau pepa haau ki luga he kupega hila
Muitua ke he tau fakailoaaga nei ke maeke ia koe ke moua e tau pepa haau ki luga he kupega hila.
Maeke tuai a koe ke hafagi e tau pepa totou tagata ke lata mo e kaina haau.
Fakapukeaga he tau pepa haau ki luga he kupega hila
Ki luga he kupega hila, e pepa ke toluaki: the Household Setup Form. Ko e pepa nei ke fakamooli aki e kaina nofo haau, numela mo e higoa he matakavi, mo e tau higoa he tau tagata ne nonofo ai.
Ka fakapuke e tau pepa haau ki luga he kupega hila:
Kua hoko tai ke he fakaotiaga e fakapuke he tau pepa totou puke tagata 2023 haau ki luga he kupega hila kaeke kua fakahū e:
Fakapukeaga he tau pepa lolomi haau
Ka fakapuke e tau pepa ne lolomi:
Ke liuaki aki e tau pepa haau
To fai fagatohi nakai fai totogi (freepost) ka moua e koe fakalataha mo e tau pepa haau.
Kakano he mena nei, magaaho ka oti e fakapuke he tau pepa haau, ti fakahu atu ke he Stats NZ mo e nakai fai totogi. Ua tuku aki ha ulutohi e fagatohi. Maeke foki a koe ke ole mai ki a mautolu ke fekau taha tagata ke finatu ke tamai e tau pepa totou tagata haau.
Fakakia ke iloa kua katoa oti e tau laupepa kua fakapuke to fakafano atu e fagatohi. Fakamolemole fakahū atu kia Stats NZ:
Freephone: 0800 CENSUS (0800 236 787)
Moua fēfē e tau lagomatai ke lata mo e fakapukeaga he tau pepa totou tagata How to get help to complete your census forms
Kumi taha tagata ne iloa mo e fai falanakiaga a koe ki ai ke lagomatai ke fakapuke e tau pepa totou tagata haau.
Hea atu ke he numela 0800 CENSUS (0800 236 787) kaeke kua manako lagomatai. Nakai fai totogi ka hea ke he numela nei.
Ko e tau tagata gahua lagomatai ha mautolu maeke ke vagahau ke he tau vagahau kehekehe. Ko e tau vagahau kehekehe ia:
- Vagahau Peritania
- Te reo Māori
- Gagana Samoa
- Lea Faka-Tonga
- Mandarin
- Cantonese
- Kolea
- Hindi
- Punjabi.
To fai fakaholoaga lagomatai ma e tagata ke he tau matakavi kehekehe he motu ke lagomatai e tau tagata ke fakapuke e tau pepa totou puke tagata.
Tau talahauaga haau mo e tau puipuiaga fakatagata Your information and privacy
To leveki mo e puipui e mautolu e tau tali ne moua mai ia koe. To fakagahua foki e mautolu e tau mata fakatufono mo e tau peehiaga, mo e fakaaoga e tau puhala puipui loga.
To nakai maeke he ha tagata ke iloa ko hai a koe ti pihia ke he tau tali ne moua mai ia koe he magaaho ka tohia ai e mautolu e pepa totou puke tagata.