Nā ngā raraunga i āwhina te hapori o Te Tairāwhiti
Nā ngā raraunga i āwhina te hapori o Te Tairāwhiti
Tatau tātou
Me kore ake te whakamahi raraunga mō te tū o te whāinga whare me te hauora tangata, i taea e Willie Te Aho me Toitū Tairāwhiti Housing Limited te mahi tahi me te kāwanatanga kia whakatūria ētahi whare 51 hou i Te Tairāwhiti. Arā anō ētahi whare 150 ākuni ka whakatūria.
Whakarongo ki te hua o tēnei mō ētahi whānau e rua nō Te Tairāwhiti i roto i ngā ataata i raro iho nei.
Te pūrākau a Hautai rāua ko Joseph
Rite tonu ki ētahi atu whānau i Te Tairāwhiti, kīhai i kitea he whare e Hautai rāua ko Hōhepa hei rēti mō rātou. Kāore kau atu he whare noho mō rātou, atu i te noho i te tēneti mō te ono marama.
I reira kua rongo rāua i ngā whakamārama mō te kōkiri whakatū whare e mahia nei e Willie Te Aho me Toitū Tairāwhiti.
I runga anō i ngā raraunga mō ō rātou hapori, te kōkiri whakatū whare hoki, i taea e Hautai rāua ko Hōhepa te noho hei rangatira mō tō rātou whare ake.
Willie Te Aho: He mea tino hira ki taku iwi o Te Whānau-a-Apanui kia noho ko mātou hei rangatira mō ngā mahi e pā ana ki tō mātou ara i te ao nei. Koirā te tikanga o te kī, he mana motuhake, ki a mātou.
Tētahi mea nui i roto i ngā tau e rua ka hipa ake nei, nā te mahi tahi me ngā āpiha kāwanatanga, nā tā rātou mahi tahi hoki me mātou, kua āhei mātou ki te uru ki ngā kohinga kōrero hira ki a mātou.
Hei ngā tau e tū mai nei ka pai ake ai tā mātou haumi moni ki te hauora. Hei ngā tau e tū mai nei ka pai ake ai tā mātou haumi moni ki te whāinga whare o te tangata, koirā tō mātou hiahia.
Hautai Komene: I te tau 2020, kīhai rawa mātou i kite whare hei rēti. I noho kē mātou i tētahi tēneti mō te 5 ki te 6 marama.
I haere mai a Matua Willie ki te kī mai kua tīmataria e rātou he kaupapa whakarato whare.
Koinei tō mātou whare hou. Kei te kapuni mātou, me ngā hihi o te rā.
Joseph Rurehe: He āhua rite ki te whetū mārama o te ata, te whakahuatanga a te tangata i tēnei kaupapa i ōna rā tuatahi.
I te noho au i reira i tētahi ata, ka kī atu au ki a Hautai, "me kōwiri au i taku taringa, e te tau, kia oho au i te moemoeā."
Hautai: He tino rerekē, kia whai whare anō hei noho i roto. I pēnei au, ka rēti au mō te roanga atu o aku rā i te ao nei.
He moemoeā kua puāwai, kia whai whare motuhake, i tōu whenua ake.
Willie: He mea hira ngā kōrero pono. Hei tūāpapa ngā kōrero pono mō ngā hiahia o ō tātou whānau. Kia mārama tātou ki ngā hiahia, ka māmā ake te whakatau mahere, me te whakatinana i aua hiahia.
He mea hira te raraunga. Hei tūāpapa ngā kōrero pono mō ngā hiahia o ō tātou whānau, ā, ina mārama tātou ki ngā hiahia, ka ngāwari kē atu tā tātou whakatutuki i aua hiahia.
Willie Te Aho
Toitū Tairāwhiti Housing Limited
Te Pūrākau a Irene rāua ko Tahi
I te noho tahi a Irene rāua ko Tahi i roto i tō rāua kāinga rākau paraki tawhito me ētahi atu pakeke e rima, me ētahi mokopuna e toru. He uaua tō rātou noho i reira, ā, kei runga ake te tūraru tērā pea ka pāngia e ngā taimahatanga hauora, tēnā i ētahi atu āhuatanga whare noho.
Māringanui i āhei rāua te nuku atu ki tētahi o ngā whare hou i hangaia e Willie Te Aho rāua ko Toitū Tairāwiti, nā ngā tautoko o ngā raraunga hapori.
He tino takatika te āhuatanga hou mō Irene rāua ko Tahi me ā rāua mokopuna.
[35' by Ka Hao feat. Rob Ruha]
Willie Te Aho: He mea nui kia whiwhi kōrero tika tātou mō te āhua o tō tātou iwi i ēnei rā.
Tētahi mea nui i roto i ngā tau e rua ka hipa ake nei nā te mahi tahi me ngā āpiha kāwanatanga, nā tā rātou mahi tahi hoki me mātou, kua āhei mātou ki te uru ki ngā kohinga kōrero hira ki a mātou, me te whakamahi i aua kōrero kia pai ake ai tā mātou haumi moni, te whakatau take hoki mō ngā mahi whare, hauora hoki o tō mātou iwi.
Irene Hitaua: Ko tērā whare, te whare kua tū noa atu i konā, i te noho ngā pakeke e 7, me ngā mokopuna e 3 i roto, kia mōhio tātou, he whare e rua noa iho ana rūma moe.
I tīmata tēnei hīkoi mō mātou i te marama o Pēpuere i tērā tau. I kōrero nuitia te taumaha o te kore whare i waenga i a mātou i Te Tairāwhiti.
Tahi Hiroki: He uaua tā mātou kite i a mātou e noho ana hei rangatira mō tō mātou whare ake. Kua whai wā mātou iāianei ki te whakahā, kua tatū te ngākau, nā te whiwhinga i tēnei.
Irene: He āhua pēnei i te moemoeā. He moemoeā kua puāwai.
Ko au tētahi kore rawa i whakapono, tērā e puta ēnei hua. E hiahia ana au ki te mōhio he pai te ao o āpōpō mō aku tamariki, me ā rātou tamariki.
Willie: He rawe ki ahau te taetae atu ki ngā whakatuwheratanga o ō mātou whare. He mea whakahihiko kia mātaki ki te whānau e kōrero ana mō ō rātou hīkoi, te wāhi i tīmata mai ai rātou, te wāhi kei reira rātou ināianei, e ahu ana hoki ki hea.
Kua āhei mātou ki te uru ki ngā kohinga kōrero hira ki a mātou, me te whakamahi i aua kōrero kia pai ake ai tā mātou haumi moni, te whakatau take hoki mō ngā mahi whare, hauora hoki o tō mātou iwi.
Willie Te Aho
Toitū Tairāwhiti Housing Limited
