Tuhigā Igoa o te Tauhaga 2023 2023 Census information in Te Gagana Tokelau (Tokelau)
Faitau ke kē iloa pe ko heā te uiga o te tuhigā igoa, pe heā foki te fai ai, ma e vehea o na fai ho hao ki ei.
Tuhigā Igoa o te Tauhaga 2023 2023 Census information in Te Gagana Tokelau (Tokelau)
Faitau ke kē iloa pe ko heā te uiga o te tuhigā igoa, pe heā foki te fai ai, ma e vehea o na fai ho hao ki ei.
Ko he ā te tuhigā igoa What is the census
Ko te tuhigā igoa ko he hukehukega e aofia ai te fenua katoa ma e fai taki lima tauhaga. Ko he faitauga aloakia o tagata uma i luga o Aoteroa Niu Hila, ma na koga e nonofo ai pe ko na fale foki e nonofo ai.
Ko te tahi tuhigā igoa ka hohoko ka fai i te aho Lua, 7 Māti 2023.
Ko te tuhigā igoa e fehoahoani ke malamalama ai ia tagata ki na hūiga kua pa ki ei ia Aotearoa Niu Hila i na tauhaga kua teka. E fehoahoani foki ki te Mālō ma iētahi fakalapotopotoga ki te pulepulega o na tautuaga e manakomia mo tagata, na komiuniti, e vēia ko na falemai, aoga, ma na auala o femalagaakiga e fakaaogā e te lauaitele.
Ko ai te tatau ke auai ki te tuhigā igoa Who needs to do the census
Ko na tino uma lele e i luga o Aotearoa Niu Hila i te aho e fai ai te Tuhigā Igoa, Aho Lua 7 o Māti 2023, e tatau ke auai ki te tuhigā igoa. E aofia ai:
- Na hitiheni Niu Hila
- Na tino nonofo tumau o Niu Hila
- Na tino nonofo tumau mai iētahi fenua e i luga o Niu Hila
- Na tino ahiahi mai ki Niu Hila.
E tatau ke fakatumu e koe na pepa o te tuhigā igoa kafai ko koe e:
- nofo i he koga e hē he fale
- e taofi i te falemai
- e hēai ho tuātuhi
- E malaga pe galue i ni kogāfenua i Niu Hila
Ko ni fehili vehea te fai atu ina pepa o te tuhigā igoa What you are asked in the census
E tuku atu ite tuhigā igoa ni fehili e agai ki a te koe, te koga pe ko te mea e nofo ai koe, ma na tino e nonofo koutou i te fale e iei koe.
Ko na fakamatalaga e maua mai iā te koe, e tuku fakatahi ma na tali e tuku mai e iētahi tino ke maua ai ni fakamatalaga ma ni tuhituhiga agai ki na koga ma na komiuniti i luga o Aotearoa Niu Hila.
Ko na fakamatalaga e patino ki a te koe ka puipui fakalelei e te Stats NZ. E kimatou fakamautinoagia ko na fakamatalaga e kimatou lolomia e hē mafai ke iloa ko koe tena tuhia.
E hē kimatou fakahoa au tali ma ni iētahi tino. E aofia ai na matāeke iēnei a te mālō e vēia ko te Ministry of Social Development, Kaiga Ora, NZ Police, pe ko te Inland Revenue.
E ke maua vehea na pepa o te tuhigā igoa How you will get your census forms
E lafo atu e te Stats NZ na fakamatalaga agai ki te tuhigā igoa pe vehea ona auai koe ki ei.
- Ko iētahi kogāfenua o Niu Hila, e fanatu te tino faigaluega o te tuhigā igoa oi momoli atu na pepa ma he tuhi vena ma he numela fakataga ke mafai ai e koe ke fakatumu na fehili i luga o te neti.
- Ko iētahi kogāfenua o Niu Hila, ko na fale e lafo oioti ki ei te tuhi ma te numela fakataga, ke fakatumu ai na fehili o te tuhigā igoa i luga o te neti.
E ke mafaia oi fakatumu au pepa i luga o te neti pe fakatumu kafai e ke maua ite meli You can do the census online or on paper
E tuha pe ko he vaega vehea te maua atu, e ke mafaia oi filifili pe fakatumu e koe na pepa i luga o te neti pe momoli atu na pepa ki to fale ke fakatumu ai e koe.
Kafai e hē maua atu ni pepa ki to fale, pe manakomia e koe ni iētahi pepa, e ke mafaia oi ota mai ni iētahi pepa ke lafo atu, e hēai hau mea e totogi.
E maua na pepa ite gagana Peletania ma te gagana Māori i luga o te neti. Ko na pepa faka Peletania e maua foki i na pepa e fuaefa na mataituhi e lolomi ai.
Fakatonu pe ota ni au pepa
Telefeoni e hēai he totogi: 0800 CENSUS (0800 236 787)
Ko afea te tatau ona fakatumu ai au pepa o te tughigā igoa When to complete your census forms
E ke mafaia oi fakatumu au pepa ite taimi e pa atu ai. Taumafai oi fakatumu ite aho ote Tuhigā Igoa te aho Lua, 7 o Mati 2023, pe ko mua atu o te aho tenei kafai e kē vave maua.
Kafai e fakatumu au pepa o te tuhigā igoa, fakatumu i te mea e iei ai koe ite po o te aho Lua, 7 o Mati 2023.
E ke mafaia oi fakatumu i tua mai o te aho e fai ai te Tuhigā Igoa.
E maua vehea e koe he fehoahoani mo te fakatumuga o au pepa o te tuihigā igoa How to complete your census forms
E lua ia pepa e maua atu mo te tuhigā igoa.
- Ko te pepa muamua e agai ki te fale e nofo ai koe. Ko te pepa tena e taku ko te Dwelling Form pe ko te pepa o te fale e nofo ai koe. E fokotahi oioti te tino e nofo i te koutou fale e manakomia ke fakatumu e ia te pepa tenei. Kafai e tokalahi koutou e nonofo fakatahi, hiaki pe ko ai te tatau ke fakatumu e ia.
- Ko te tahi pepa e agai ki a te koe. Ko te pepa tenei e taku ko te Individual Form pe ko te pepa e fakatatau ki a te koe. Ko na tino uma e nonofo i te koutou fale e tatau ke fakatumu e kilatou te pepa tenei. E tatau ke hiaki e na mātua ma na tino tauhi tamaiti kua iei na pepa e fakatumu mo tamaiti uma, e aofia ai na pepe.
- he mahini e maua ai te initaneti, e vēia ko he telefoni (smartphone), mahini komipiuta, pe ko na tamā komipiuta (tablet)
- hokotaga ki te initaneti
- Te numela fakataga e patino ki te koutou fale ke mafai ai ke fakatumu a koutou pepa i luga o te neti, e maua i te tuhi o te tuhigā igoa na lafo atu.
- Tatala te vaega e hakili ai na mea i luga o te initaneti (internet browser) i luga o tau telefoni, tamā komipiuta (tablet) pe ko tau komipiuta.
- Taipa ki ei te www.census.govt.nz ke mafai ai koe ke pa ki te uepehaite a te tuhigā igoa.
- Lolomi te fakamau e lea mai ‘Kamata tau tuhigā igoa’.
- Tuku ki ei te numela fakataga a te koutou fale.
- Lolomi te fakamau e tuhi ai te kupu ‘Kamata’
- E fokotahi oioti te tino i te koutou fale e manakomia ke fakatumu e ia te pepa tenei Household Setup Form. E tatau ke fakatumu te pepa tenei muamua.
- E fokotahi oioti te tino i te koutou fale e manakomia ke fakatumu te pepa tenei Dwelling Form.
- Ko na tino uma i te koutou fale e tatau ke fakatumu e kilatou te pepa tenei Individual Form.
- lolomi te fakamau e tuhi ai te kupu tenei ‘Submit’ kafai kua uma te fakatumu o au pepa
- na he tapunia pe lolomi e koe te ki e toe fakafōu ai te laupepa e iei ai koe i te taimi e fakatumu ai tau pepa
- na he hilia atu i te 20 minute kafai koe e koma ite taimi e fakatumu ai hau pepa.
- Te Pepa e Heti ai na pepa a te koutou kaukāgia pe ko te Household Setup Form
- Te Pepa o te koutou fale – Dwelling Form
- He pepa mo na tino takitahi i te koutou fale – Individual Form.
- fakaaogā he peni lanu moana pe he peni uliuli
- tuhituhi ina MATĀITUHI LALAHI
- tuhi au tali i te gagana Peletania pe ko te reo Māori
- kikila ifo ki na fakamainaga ke taki ai koe Guide Notes mo he fehoahoani.
- Tau pepa mo te koutou fale - Dwelling Form
- Na pepa a nā tino uma ite koutou fale – Individual Form.
E manakomia e koe na mea iēnei kafai e fakatumu e koe na pepa o te tuhigā igoa i luga o te neti:
Ko te numela fakataga ke mafai ai ke fakatumu a koutou pepa i luga o te neti, e patino ki te koutou fale
Ko te numela fakataga ke mafai ai ke fakatumu a koutou pepa i luga o te neti e pipiki i mua o te tuhi o te tuhigā igoa ma e 12 ia fuainumela ma ni matāituhi e fefiloi fakatahi.
E mafai oioti ke fakaaogā e na tino e nonofo pe fakatahi koutou i te koutou fale.
E mafai ke toe fakatalohaga mai koe ki he tahi numela, kafai kua galo te numela na lafo atu muamua.
Telefeoni e hēai he totogi: 0800 CENSUS (0800 236 787)
Talohaga mo he numela ke fakatumu ai na pepa i luga o te neti.
Mauaga o au pepa i luga o te neti
Mulimuli ki na fakatonuga ienei ke maua ai au pepa i luga o te neti.
Kua avanoa atu ki a te koe na pepa o te tuhigā igoa mo te koutou fale.
Fakatumuga o au pepa i luga o te neti
E iei te pepa tona tolu mo te tuhigā igoa i luga o te neti, ko te pepa tenei Household Setup Form. Ko te pepa tenei e fakamautinoa ai te koutou tuātuhi ma na igoa o na tino e nonofo i te koutou fale.
Kafai e fakatumu au pepa o te tuhigā igoa i luga o te neti:
Kua uma te fakatumuga o na pepa o te Tuhigā Igoa mo te 2023 kafai kua tuku uma atu na pepa a na tino o te koutou fale:
Fakatumuga o au pepa
Kafai e fakatumu au pepa:
Fakaliliu maiga o au pepa
E maua fakatahi atu te teutuhi kua uma te totogi ma au pepa e fakatumu.
Ko tona uiga, e mafai e koe oi toe meli mai na pepa kua uma te fakatumu e te koutou kaukāiga ki te Stats NZ, e hēai he totogi. E hē manakomia ke fakapipiki ki ei he fakailoga teutuhi (stamp).
Hiaki pe kua i loto uma na pepa kua fakatumu kae ko heki lafo maia tau teutuhi. Fakamolemole oi lafo mai ki te Stats NZ:
E ke mafaia foki oi fakatalohaga mai ki he tino ke fanatu oi piki a koutou pepa mai te koutou fale.
Telefeoni e hēai he totogi: 0800 CENSUS (0800 236 787)
E maua vehea e koe he fehoahoani mo te fakatumuga o au pepa o te tuihigā igoa How to get help to complete your census forms
E ke mafaia oi lea ki he tino e talitonu koe ki ei, ke fehoahoani atu ki a te koe ite fakatumuga o tau pepa e veia ko he:
- uō
- tino o to kāiga
- na tino e ao e kilatou na pepa o te tuhigā ioa.
Ko koe e mafai ke telefoni ki te numela tenei mo he fehoahoani, e hēai hona totogi 0800 CENSUS (0800 236 787)
E ke mafai oi fakatalohaga ki he tino e tautala:
- Māori
- Samoan
- Togan
- Mandarin
- Cantonese
- Korea
- Hindi
- Punjabi.
E iei na fakatinoga e fakataunuku e te kaufaigaluega o te tuhigā igoa i na koga kehekehe, ke fehoahoani ki tagata ki te fakatumuga o a latou pepa.
Ko na fakamatalaga agai ki a te koe ma te puipuiga o na fakamatalaga ienei Your information and privacy
E teu fakalelei ma puipuia e kimatou na tali e tuku mai e koe. E fakataunuku tenei tulaga i na tulafono kua fakatātia ma te tulaga e tatau ona puipuia ai. E hē mafai ke iloa e he tino ko na tali kina fehili o te tuhigā igoa e a koe kafai kua fakahalalau na tuhituhiga ma na fakamaumauga o te tuhigā igoa.