Ngā mātāpono tūmataitinga, haumarutanga, matatapu hoki

E mārama ana mātou ki te hōhonu me te whāinga hua o ngā kōrero ka tukua mai e koe ki a mātou, ā, e ū ana mātou ki te toi o ngā paerewa mō te tūmataitinga, mō te haumaru, me te matatapu i ngā wā katoa kia haumaru tonu ai:  

• E tiakina ana ngā kōrero mōu i raro i ngā ture, i runga hoki i ngā parenga nā mātou i whakarite.

• Ka tiakina e mātou tō tuakiri, e kore hoki mātou e tautuhi i te tangata takitahi i roto i ngā tatauranga me ngā rangahau kua oti te pānui ki te ao.

• Ka ū mātou ki ngā paerewa matatika, ki ngā paerewa tatau, me ngā paerewa haumaru tiketike rawa mō ngā raraunga ka kohia e mātou. E herea ana ērā atu tāngata whakamahi i ngā raraunga kia ū anō hoki ki aua paerewa. 

• Me mātua waitohu ngā kaimahi me ngā kairangahau o Tatauranga Aotearoa e whakamahi nei i ngā mōhiotanga e puritia nei e mātou i tētahi whakapuaki kōrero muna. Me mātua waitohu tēnei e rātou i mua i tā rātou mahi me ngā raraunga. Ko te whakapuaki nei he kirimana whakaae mō ngā rā katoa e ora ai te tangata, kia puritia ngā kōrero kia matatapu ana.

Ka whakarite tikanga mātou kia:

• toitū te tūmataitinga mā te kohikohi i ngā mōhiotanga anake e hiahiatia ana e mātou hei waihanga tatauranga, rangahau hoki

• toitū te haumaru mā te wawao i ngā raraunga kei taea mai kei whakamahia rānei e te hunga pokanoa

• toitū te matatapu mā tā mātou kore e whakapuaki mōhiotanga e āhei ai te tangata ki te tautohu i te tangata takitahi, i te whare, i te umanga rānei

• tōitū te mataaho o te mahi i roto i ā mātou hātepe katoa E mahi tahi ana mātou me te Mana Mātāpono Matatapu, kia ū ai mātou ki ngā ritenga tiketike rawa mō te mahi.